Саламаттыкты сактоо министрлиги менингит боюнча эпидемиологиялык кырдаалды айтып берди

Февраль айынын аягында – марттын башында менингококк инфекциясынан балдардын эки өлүмү: бир жаштагы наристе жана мектеп окуучусу белгилүү болгон. Саламаттыкты сактоо министрлиги Кыргызстандагы менингиттин эпидемиологиялык абалы тууралуу айтып берди.

"Республикада 2023-жылы бактериалдык менингиттин он учуру катталган (алардын экөө өлүмгө алып келген). 2022-жылдагы эки учурга караганда бир аз өсүш бар", - деп айтылат маалыматта.

Бишкек шаарында жети, Чүй облусунда эки, Ош облусунда бир учур катталды. Ооругандардын арасында:

• 14 жашка чейинки балдар - 7;
• калгандары 14 жаштан жогору.

Оорунун белгилери жана алдын алуу боюнча кеңештер

Менингококк инфекциясынын жугуу жолу аба аркылуу. Инфекция жакын аралыкта жакын байланыш менен ишке ашырылат.

Инфекциянын булагы менингококк менен ооруган адам. Оорунун башталышында курч респиратордук оорулар менен окшоштугунан улам адамдар дарыгерге кайрылбай, өз алдынча дарыланышы мүмкүн, бул оорунун татаалдашып, оор өтүшүнө алып келет.

Типтүү клиникалык көрүнүш: дене температурасынын 40-41 градуска чейин көтөрүлүшү, чыйрыгуу, летаргия, теринин кубаруусу, тамак-аштан жана суусундук ичүүдөн баш тартуу менен оорунун курч башталышы.

Типтүү симптомдору:

• катуу баш оору;
• диффузиялык (жарылып кетүү мүнөзү) же баштын чыкый аймагынын жарылып кетүүдөй оорусу;
• тамак-аш менен байланышпаган жүрөк айлануу же кайталап кусуу;
• көңүлдүн айланышы;
• дененин алсырап, титирөөсү.

Оорулуулардын абалынын курчушунун себептеринин бири – дарыгерлерге кеч кайрылуу жана үй шартында өз алдынча дарылануу.

Менингитти дарылоо стационардык шартта дарыгерлердин катуу көзөмөлүндө болушу керек.

Оорунун алдын алуу үчүн эмне кылыш керек?

• коомдук жайларда өздүк гигиенаны сактоого, жайларды нымдуу тазалоону жана желдетүүнү өз убагында жүргүзүү;
• сергек жашоо образын тандоо;
• байытылган тамак-аш менен тамактануу;
• дене тарбия менен машыгуу;
• оорунун өсүшү учурунда бала менен оюн-зоок иш-чараларына, дүкөндөргө, чач тарачтарга жана башка эл көп жерлерге барбаңыз;
• суукка урунуудан качуу да керектелет.

Оорунун алгачкы белгилери пайда болгондо, үйдө отуруп, сөзсүз түрдө дарыгерге кайрылыңыз, өз алдынча дарыланбаңыз!

Балдарда оорунун белгилери байкалса – коомдук жайларга барбаңыз, мектепке, бала бакчага барбаңыз. Туура диагноз коюу жана тийиштүү дарылоо үчүн дарыгерге кайрылыңыз.

Чоңдордо симптомдор болгондо - башкалар менен байланышуудан алыс болуңуз, жумушка барбаңыз жана дарыгерге кайрылыңыз!

Башкы беттеги сүрөт иллюстративдик: