Таласта окуучу кыз зордукталып, шектүү катары айылдашы кармалды

Талас облусунда 14 жаштагы өспүрүм кыз зордукталды. Облустук ички иштер министрлигинен Kaktus.kg сайтына билдиришкендей, окуя январь айында болгон.

Жабырлануучу тарап милицияга 16-мартта кайрылган. Тагыраагы, Талас районунун Арал айылынын 1958-жылы туулган Н.С. аттуу тургуну​ арыз менен кайрылган. Ал 27-январда саат 14:00 чамасында 2009-жылы туулган небересин Б. аттуу бала унаасына салып, ​күч колдонуп эркине каршы зордуктап, жыныстык катнашта болгонун билдирген. ​ ​ ​ ​ ​ ​ ​ ​ ​ ​ ​

Тема боюнча:

13 жашында кордолгон кыздын иши. Соттун чечимине байланыштуу митинг өтөт

Арыз Кылмыштардын бирдиктүү реестрине "зордуктоо" фактысы менен ​катталып, кылмыш иши козголгон.

Алдын ала текшерүүнүн жүрүшүндө шектүү Арал айылынын ​тургуну, 2001-жылы туулган Т. ​уулу Б. экени аныкталды. Ал убактылуу кармоочу жайга киргизилди. Учурда тергөө амалдары уланууда.

Башкы беттеги сүрөт иллюстрациялык.