Түндүк Корея "радиоактивдүү цунами" жарата турган куралды сынады
Түндүк Корея бийлиги өзөктүк курал ташууга жөндөмдүү жаңы суу астындагы учкучсуз учуучу аппаратты сынаганын билдирди. Бул тууралуу Daily Mail жазды.
Кореянын Борбордук маалымат агенттигинин (KCNA) маалыматына караганда, аппаратты сыноо АКШ менен Түштүк Кореянын жакында өткөргөн биргелешкен машыгууларына жооптун бир түрү болду. Себеби ал аймактык коопсуздук жаатындагы кырдаалды начарлатты.
Түндүк Кореянын лидери Ким Чен Ын бул процессти көзөмөлдөдү.
Жаңы суу астындагы учкучсуз учуучу аппараттын миссиясы - операциялык зонага тымызын жетип, суу астындагы жарылууну колдонуу менен душмандын кемелеринин топторун жана негизги портторун жок кылуу үчүн "супер күчтүү радиоактивдүү цунамиге" алып келүү болуп саналат.
Түштүк Корея менен АКШнын ортосундагы акыркы биргелешкен маневрлардын фонунда Түндүк Корея буга чейин бир нече көрсөтмөлүү ракета учурууларды ишке ашырган. Мисалы, өткөн жумада алар жасалма ядролук дүрмөт менен жабдылган тактикалык баллистикалык ракетаны учурушту.
Түштүк Кореянын Башкы штабынын маалыматына караганда, Түндүк Корея тарабынан учурулган кыска аралыкка учуучу ракета деңизге түшкөн.
