Ош-Бишкек жолунда жаранды сабап кетишкен. Шектүү мурда соттолгон
1683
Ош-Бишкек жолундагы айлампада жаранды сабап кеткен жаран кармалды. Ал мурда бир нече жолу соттолгон дешет Жалал-Абад ОИИБден.
Маалыматка караганда, милициягы А.Л. аттуу жаран арыз менен кайрылган. Ал 21-февраль күнү саат 21:30 чамасында Сузак районунун аймагынан өткөн Ош-Бишкек автожолундагы айлампада (круговой) Эдик аттуу адам шериктери менен бети-башына уруп денесине жаракат келтиргендигин билдирген.
Бул факты 280-берене (Бейбаштык) менен каттоого алынып, кылмыш иши козголгон.
Сүрөт: Жалал-Абад ОИИБдин маалымат кызматы
Жүргүзүлгөн иликтөө иштеринин натыйжасында окуяга шектүү катары мурда бир нече жолу соттолгон Ноокен районунун Шайдан айыл аймагынын тургуну - 1988-жылы туулган С.А. кармалып, убактылуу кармоочу жайга киргизилген. Азыркы учурда тергөө амалдары жүрүп жатат.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://uyat.kaktus.media/11180
