Жакынкы күндөрү Кыргызстанга АКШнын мамлекеттик катчысынын жардамчысы Дональд Лу келет
АКШнын Мамлекеттик департаментинин маалыматына караганда, АКШнын мамлекеттик катчысынын Түштүк жана Борбор Азия боюнча жардамчысы Дональд Лу 22-27-апрелде Кыргызстан жана Тажикстанга иш сапары менен келет.
Дональд Лу АКШнын мамлекеттик катчысы Энтони Блинкендин Борбор Азия өлкөлөрү менен алакаларды бекемдөө максатында февраль айында болгон сапарынын ийгилигин бекемдөө максатында АКШ делегациясын жетектеп жатат.
Ал Бишкекте мамлекеттик катчынын жардамчысы кыргыз өкмөтүнүн жооптуу кызматкерлери, ошондой эле экономика тармагынын өкүлдөрү жана жарандык коомдун өкүлдөрү менен жолугушарын Тышкы иштер министрлиги билдирди. Жолугушуунун негизги темалары АКШнын Кыргызстандын экономикасына көрсөткөн колдоосу, аялдардын экономикалык мүмкүнчүлүктөрүн кеңейтүү, адам укуктары жана басма сөз эркиндиги болот.
Андан соң Дональд Лу Дүйшөмбүгө барып, мамлекеттик кызматкерлер менен, анын ичинде коопсуздук жаатындагы жалпы көйгөйлөрдү жана максаттарды талкуулайт. Ал ошондой эле Тажикстандагы басма сөз жана жарандык коомдун өкүлдөрү менен жолугушат.
"Бишкекте жана Дүйшөмбүдө мамлекеттик катчынын жардамчысы Дональд Лу бул эки постсоветтик Борбор Азия мамлекеттеринин эгемендигине, аймактык бүтүндүгүнө жана көз карандысыздыгына АКШнын мындан ары да берилгендигин баса белгилейт", - деп айтылат маалыматта.
