Кыргызстан кайрадан россиялыктардын эң популярдуу туристтик багыттарынын бирине айланды
Кыргызстан россиялыктар арасында көз карандысыз саякат үчүн эң популярдуу багыттардын тизмесине кирди. Бул тууралуу Tutu.ru онлайн билеттерди сатуу кызматынын маалыматында айтылат.
Талдоочулардын баамында, популярдуулугу боюнча биринчи орунду Ереван ээлеген, анда чет өлкөлүктөр тарабынан билеттердин 5,5% сатып алгынган. Экинчи сапта эс алуучулардын 5,1% Бакуга баргылары келгендери орун алган. Үчүнчү орунда жалпы үлүшү 3,4%ды түзгөн Бишкек шаары, төртүнчү орунда 2,9% менен Ташкент турат. Стамбул, Анталия, Тель-Авив жана Минск да популярдуу жерлер болуп чыкты.
"Коңшу өлкөлөргө билеттерди брондогондордун үлүшү 3,6%дан 5%га, алыскы чет өлкөлөргө - 0,8%дан 2,7%га, Европа өлкөлөрүнө - 0,8%га өстү. Москвада чет өлкөлүк буюртмалардын үлүшү жогору – болжол менен 13% өстү", - деп айтылат маалыматта.
Эске салсак, 2022-жылы Кыргызстан менен Өзбекстан россиялыктар арасында эң популярдуу туристтик багыттардын бири болгон. Алдыңкы 10дукка ошондой эле Армения, Азербайжан, Түркия, Беларусь, Казакстан, Бириккен Араб Эмираттары жана Грузия кирген.
