Санарип министрлиги Avito менен Кыргызстандын жарандыгын берүү мүмкүн эмес деп эсептейт
Санариптик өнүктүрүү министрлиги Kaktus.media редакциясына россиялык Avito.ru сатуу сайтында Кыргызстандын жарандыгын сатып алууга мүмкүн болгон жарыя боюнча комментарий берди. Мындай жарнак тууралуу депутат Гуля Кожокулова Жогорку Кеңеште айткан эле.
Министрлик Гуля Кожокулованын Кыргыз Республикасынын жарандыгын сатылып жаткандыгы тууралуу билдирүүсү чындыкка дал келбейт жана аны Кыргыз Республикасынын Санариптик өнүктүрүү министрлигинин аброюна шек келтирет деп эсептейт.
"Министрлик калкты каттоо чөйрөсүндөгү ыйгарым укуктуу мамлекеттик орган катары Кыргызстандын жарандыгын алуу жана андан чыгуу боюнча документтерди тариздөө функциясын аткарат.
Мамлекеттик саясатты ишке ашыруунун алкагында, министрлик республиканын укук коргоо органдары менен тыгыз кызматташтыкта жеке жактардын кайрылууларынын негизинде өздүк документтерди сатып алуу боюнча тыкыр текшерүү жүргүзүүдө. Жарандык, анын ичинде калкты каттоо системасындагы мүмкүн болуучу коррупциялык көрүнүштөрдү аныктоо жана жоюу боюнча да биринчи керекте иш жүргүзүлөт", - деп түшүндүрдү ведомство.
Министрлик Кыргыз Республикасынын паспортун арыз ээсинин жеке катышуусуз документтештирүү мүмкүнчүлүгүн жокко чыгарган заманбап санариптик технологияларды киргизди.
Мындан тышкары паспорттоштуруунун милдеттүү талабы - Кыргыз Республикасынын жарандыгын алуу үчүн арыз берүүчүнүн өзүнүн инсандыгын идентификациялоонун белгиленген тартибинен өтүүсү, башкача айтканда, манжа изин алуу, биометрикалык маалыматтарды тактоо жана арыз ээсинин өзүнүн сүрөтү болуп саналат.
Министрлик дагы бир жолу интернет-ресурстарда Кыргызстандын жарандыгын алууга көмөк көрсөтөбүз деген күмөндүү жарыяларга ишенбөөгө жана өлкөнүн мамлекеттик органдары тарабынан негизсиз айыптоолорго жол бербөөгө чакырат.
