Маичилер Ысык-Көлдөн кайтып жаткан унааларды текшерүүдө
Ысык-Көлдөн Бишкекке кайтып келе жаткан унаалар текшерилип жатканын Жол кыймылынын коопсуздугун камсыздоо боюнча мамлекеттик инспекциясынын басма сөз кызматы билдирди. Башкармалык мас абалында айдоочуларга катуу чаралар көрүлөрүн белгиледи.
"Ушул дем алыш күндөрү Бишкек-Чолпон-Ата унаа жолунда Жол кыймылынын коопсуздугун камсыздоо боюнча мамлекеттик инспекциянын борбордук аппаратынын кызматкерлери нөөмөттө турушат.
Дем алыш күндөрү унаалардын көп агымынан улам унаа тыгындары пайда болушу мүмкүн, ошондой эле мас абалында унаа айдап, каршы тилкеге чыгып, катуу ылдамдыкта жүрүүлөрү мүмкүн", - деп айтылат маалыматта.
Буга байланыштуу мындай фактыларды болтурбоо максатында жол кайгуул кызматынын инспекторлору тарабынан зарыл болгон учурда айдоочулар токтотулуп, алар менен профилактикалык, түшүндүрүү иштери жүргүзүлүүдө. Айдоочуларга жана туристтерге баарлашуудан тышкары, жолдо жүрүү эрежелери тууралуу атайын даярдалган маалыматтык китепчелер таратылат.
Кечинде чоң тыгындарды жана кырсыктарды болтурбоо максатында түзүлгөн жасалма тыгындар жөнгө салынууда.
