Сириядан Кыргызстанга 21 аял жана 62 бала алып келинди
3183
22-октябрда Сириядан Кыргызстанга атайын учак менен Кыргызстандын жараны болгон 21 аял жана 62 бала жеткирилди. Бул тууралуу Кыргызстандын Тышкы иштер министрлигинин басма сөз кызматы билдирди.
Маалым болгондой, алар Сириянын түндүк-чыгышындагы лагерлерде калган Кыргызстандын жарандарын мекенине кайтаруу боюнча "Айкөл-3" атайын операциясынын алкагында алынып келинген.
Миссиянын алкагында кыргыз делегациясы Сириянын түндүк-чыгышындагы калктын муктаждыктары үчүн дары-дармек менен гуманитардык жардам көрсөттү.
Кыргыз тарап репатриацияга көмөк көрсөткөн АКШ өкмөтүнө, ЮНИСЕФке жана Эл аралык Кызыл Крест комитетине ыраазычылык билдирди.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://uyat.kaktus.media/14779
