АКШ кыргызстандыктар үчүн визанын мөөнөтүн 10 жылга узартты
3970
АКШ өкмөтү Кыргызстандын жарандарына АКШнын туристтик жана ишкердик жаңы визаларынын мөөнөтүн 5 жылдан 10 жылга узартты. Эреже 4-марттан тарта күчүнө кирет.
Кыргыз Республикасынын паспортунун ээлери үчүн B1, B2 жана B1/B2 визаларына арыз берүү үчүн 20 доллар өлчөмүндөгү төлөм жокко чыкты.
Эскерте кетсек, 10 жылдык мөөнөттөгү виза мурда берилген визаларга тиешеси жок. Жаңы эреже 2024-жылдын 4-мартынан баштап берилген B1, B2 жана B1/B2 визаларга гана тиешелүү.
"Америка Кошмо Штаттары саякаттарды жеңилдетип, америкалыктар менен кыргыз элинин ортосундагы байланыштарды тереңдетүүгө умтулат", - дешет АКШнын Кыргызстандагы элчилигинен.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://uyat.kaktus.media/15662
