Ошто "Золотая жизнь" суусундугу сатыктан алынууда
2737
Ош шаарынын Ооруларды алдын алуу жана мамлекеттик санитардык-эпидемиологиялык көзөмөлдөө борбору тарабынан шаардагы соода түйүндөрүнөн "Золотая жизнь" деген газдалган анар суусундугу сатыктан алынууда. Бул туурасында Ош шаардык мэриясынан кабарлашты.
Бул иш-аракеттер Ооруларды алдын алуу жана санитардык-эпидемиологиялык департаментинин тиешелүү буйругунун негизинде калктын, айрыкча балдардын ден соолугун коргоо максатында жүргүзүлүүдө.
"Анткени лабораториялык изилдөөлөрдүн жыйынтыгында Афганистандан чыгарылган аталган суусундук балдардын активдүүлүгүнө жана көңүл буруусуна терс таасирин тийгизген "азорубин Е 122" боёгун камтыйт деп табылган", - деп айтылат маалыматта.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://uyat.kaktus.media/16532