Мэрия Бишкектеги мектептерде сабактар канчада башталарын айтты
Министрлер кабинетинин токтому менен Бишкектеги мектептерде сабактар 8:00гө чейин башталары маалымдалган. Бишкек шаардык мэриясы кабыл алынган токтомдун алкагында сабактар канчада башталарын жана канча мектепте окутуу жаңы убакыт менен башталарын билдирди.
Маалымдалгандай, Бишкектеги 14 муниципалдык мектепте окуу 3 нөөмөт менен жүргүзүлөт, дагы 14 мектепте окуу саат 7:30да башталат.
Жаңы 2024-2025-окуу жылында дагы 30 мектепте саат 7:30дан баштап окутуу пландалууда.
"Иштеп жаткан муниципалдык мектептердин 42% же 44% эртең мененки саат 7:30дан баштап окууга өткөрүлөт.
Мындан тышкары жол-транспорт инфраструктурасындагы тыгындарды жоюу максатында Бишкек шаарынын мэриясы ата-энелерге унааларды мектептердин жанынан токтотууга тыюу салынарын эскертет.
Эреже бузган учурда аларды айып пул менен эвакуациялоо чаралары көрүлөт. Ыңгайлуу шарттарды түзүү үчүн ата-энелерден балдарынын жакын жердеги мектептерде билим алуусун алдын ала пландаштырууну суранабыз", - дешет мэриядан.
Белгилесек, буга чейин мектептердеги сабактарды эрте баштоо мэриянын кароосуна сунушталган. Муниципалитет сабактын эрте башталышы жол тыгынын азайтат деп эсептейт.
Башкы беттеги сүрөт иллюстрациялык.
