Бишкекте Howо унаасы скутер менен бараткан адамды тебелеп кетти
403
Бишкекте жол кырсыгы катталып, скутер менен бараткан өспүрүм каза тапты. Мпалыматты шаардык ички иштер башкы башкармалыгынан билдиришти.
Такталгандай, 10-сентябрда саат 11:45 чамасында бетон аралаштыруучу Howо унаасынын 24 жаштагы айдоочусу Ы.Ж. Жайыл Баатыр көчөсү менен баратып Шералиев көчөсүнө кайрылган. Бул учурда кесилиштен өтүп бараткан скутерчен жаранды сүзүп, тебелеп кеткен.
Сүрөт: Бишкек ШИИББдир маалымат кызматы
Аталган факты Бишкек шаардык ички иштер башкы башкармалыгы тарабынан каттоого алынып, тергөөгө чейинки текшерүү иштери башталды.
Окуя болгон жерге ыкчам тергөө тобу барып, скутердин айдоочусу 2007-жылы туулган И.Ш. экенин аныкташты. Тилекке каршы, ал жеринде каза болгон. Учурда милиция кызматкерлери тарабынан алгачкы иликтөө иш-чаралары жүргүзүлүүдө.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://uyat.kaktus.media/17276
