Равшан Жээнбеков боштондукка чыгат. Күнү белгиленди
Кой-Таш окуясы боюнча камакта жаткан саясатчы Равшан Жээнбеков баш коргоо чарасы өзгөртүлгөндүктөн бошотулат. Бул тууралуу аталган ишке тиешеси бар дагы бир адам Кундуз Жолдубаева билдирди.
Анын айтымында, жаңы Жазык-процессуалдык кодекске ылайык, соттук териштирүү учурунда айыпталуучуну бир жылдан ашык тергөө абагында кармоого болбойт. Эми тергөө абагында отурган Равшан Жээнбеков бошотулушу керек.
"Равшан Жээнбеков 27-декабрда түнкү саат 00:00дө бошотулат. Соттук териштирүүнүн мөөнөтү эки айга, 2022-жылдын 27-февралына чейин узартылды", - деди ал.
Мындан тышкары, башка тиешелүү адамдарга – Кундуз Жолдубаеванын өзүнө, депутаттар Асел Кодурановага, Ирина Карамушкинага жана күзөтчү Канат Сагымбаевге карата үй камагына алуу түрүндөгү баш коргоо чарасы жокко чыгарылды.
