Экс-президент Сооронбай Жээнбеков Зилалиевдин иши боюнча сотко чакырылды
Экс-президент Сооронбай Жээнбеков Кыргызстандын экс-премьер-министри Дүйшөнбек Зилалиевдин иши боюнча Бишкек шаардык сотко чакырылды. Бул тууралуу Kaktus.media'га соттун басма сөз кызматы маалымдады.
Белгилүү болгондой Зилалиевдин адвокаты Таалайгүл Токтакунова кошумча күбөнү - Сооронбай Жээнбековду чакыртуу боюнча өтүнүч менен кайрылган.
"Сот өтүнүчтү канааттандырып, коргоо тарабын канааттандырып, өтүнүч менен кайрылган тарапты кубөнүн келишин камсыздоону милдеттендирди", - деп сотто белгилешти.
Эске салсак, Дүйшөнбек Зилалиев мыйзамсыз байыган деп айыпталууда. Анын үйүно тинтүу жүргүзүлгөн учурда УКМКнын кызматкерлери бир нече миллион сом жана $100 миң, баалу буюмдар, жана Бишкектеги кыймылсыз мүлккө документтерди табышкан. Зилалиевдин адвокатынын айтымында булардын бардыгы мал сатуудан түшкөн каражат.
