Залкар актриса Жамал Сейдакматованын бейитине эстелик тургузулду
Кыргыз театр жана кино искусствосунун залкар таланты, Эл артисти Жамал Сейдакматованын бейитине эстелик орнотулду. Иш-чара бүгүн, 30-ноябрда болгонун Маданият, маалымат, спорт жана жаштар саясаты министрлигинен билдирет.
Эстелик орнотууга маданият, маалымат, спорт жана жаштар саясаты министринин орун басарыЧыңгыз Эсенгул уулу, президенттин Ысык-Көл облусундагы өкүлү Илияз Иманбетов, Жогорку Кеңештин депутаты Гүлкан Молдобекова, УТРКнын башкы директору Кайрат Иманалиев, белгилүү коомдук-маданий ишмерлер жана туугандары катышты.
Жамал Сейдакматова 1939-жылдын 21-сентябрда Ысык-Көл районунун Темир айылында туулган.
1957-жылы Кыргыз мамлекеттик академиялык драма театрына кабыл алынган. Ошол күндөн өмүрүнүн акырына чейин "Кыргыз керемети" аталган кыргыз кинолорунда бир катар ролдорду аткарып, актриса катары талыкпай эмгек кылган.
Актриса 2021-жылы 82 жаш курагында бул дүйнө менен кош айтышып, сөөгү Бишкектеги "Ала-Арча" көрүстөнүнө коюлган.
