Ысык-Көлдө 16 турак үйдү сел каптады
Ысык-Көл районунун аймагында 11-августта сел жүрүп, 10дон ашык турак үйдү каптаган. ӨКМнын маалыматына ылайык, сел көпүрөнү да агызган.
Чолпон-Ата шаарынын Тогуз–Булак тилкесинде 4 турак үйдү, ал эми Бактуу-Долоноту айылындагы Бактуу-Долоноту суусунун деңгээли көтөрүлүп, нугунан чыгып, 9 турак үйдү сел суулары каптаган. Ошондой эле Булан-Соготу айылында 1, ал эми Бостери айылында 3 турак үйгө суулар кирип, "Кооператив строитель" Бостери дачасына бара турган жолдогу ички чарбалык жолду жана көпүрөнү суу агызып кеткен.
Жалпысынан болжол менен 16 турак үйдү суу каптап, 1 ички чарбалык көпүрөнү агызган.
Жеринде 40 куткаруучу, 3 мотопомпа иштеп жатат. Ысык-Көл районунун Жарандык коргоонуу кызматтарынан жалпы 60 адам, Чолпон-Ата шаарыдык мэриясы тарабынан 1 экскаватор, 1 жүктөгүч, Суу чарба башкармалыгынан 1 экскаватор, 1 жүктөгүч тазалоо иштерин жүргүзүүдө.
