Жогорку Соттун төрагалыгына Медербек Сатыевдин талапкерлиги сунушталды
Судьялар кеңеши Кыргызстандын Жогорку Сотунун төрагалыгына Сатыев Медербек Асанбековичтин талапкерлигин сунуштады. Бул тууралуу аталган кеңештен билдиришти.
Бүгүн, 22-октябрда Кыргыз Республикасынын Судьялар кеңешинин жыйынында Жогорку Сотунун төрагалыгына Медербек Сатыевдин талапкерлиги каралып, Судьялар кеңешинин мүчөлөрү анын кандидатурасын бир добуштан колдошту.
Эскерте кетсек, Кыргыз Республикасынын Судьялар кеңеши 9-октябрдагы отурумунда Базарбековдун өз арызы боюнча ээлеген кызматынан бошотуу жана судьялык ыйгарым укуктарын мөөнөтүнөн мурда токтотуу жөнүндө арызын карап, жактырган.
10-октябрда Жогорку Соттун төрагасынын отставкасы Жогорку Кеңеш тарабынан кабыл алынган.
11-октябрда Садыр Жапаров Жогорку Соттун жетекчисин кызматтан алуу боюнча жарлыкка кол койгон.
