Камактагы активисттин аялына тагылган айып боюнча сот өттү
Бүгүн, 12-январда Биринчи Май райондук сотунда камактагы активист Айбек Бузурманкуловдун жубайы Толгонай Солтонованын иши каралды. Судья Адылбек Эсенбаев милиция кызматкерлеринин көрсөтмөлөрү карама-каршы келгенин билдирип, жыйынтыгында сот 17-январга жылдырылды.
Солтонва 10-январда камактагы активист, саясатчыларды колдоо боюнча тынчтык маршына катышкан. Ошол иш-чарада милиция кызматкерлери марштын айрым катышуучуларын кармап, РИИБге жеткиришкен, арасында Солтонова да болгон. Милиция бөлүмүнө жеткирилгендер ошол эле күнү бошотулган.
Бирок айрымдарына, анын ичинде Солтоновага айып тагылып, материалдар соттун кароосуна жөнөтүлгөн. Активисттин жубайына 128-берене (Ички иштер органдарынын кызматкеринин мыйзамдуу талабына баш ийбөө) менен айып тагылган.
